Fondi i Xhenazes

Për t'u regjistruar në Fondin e Xhenazes, personi duhet të jetë anëtar i regjistruar në BKFSHN.

Anëtarësimi në BKFSHN nuk nënkupton automatikisht anëtarësim në Fondin e Xhenazes.

Çdo person regjistrohet individualisht në fond.

Bashkëshorti, fëmijët dhe anëtarët e tjerë të familjes duhet të regjistrohen veçmas.

Pagesa vjetore është 200 kr për çdo person të regjistruar në fond.

Nëse paguhet për disa anëtarë të familjes, pagesa duhet të lidhet qartë me secilin person.

Shembull: Familje me 5 persona = 1 000 kr në vit.

Çdo person regjistrohet individualisht.

Anëtarët ekzistues të fondit duhet të kryejnë pagesën deri më 15 Mars për të ruajtur vazhdimësinë e anëtarësimit dhe të drejtën e mbulimit.

Anëtarët e rinj të BKFSHN mund të regjistrohen në fond edhe gjatë vitit.

Për anëtarët e rinj, periudha e anëtarësimit llogaritet nga data kur regjistrimi dhe pagesa janë konfirmuar.

Gjatë 12 muajve të parë nga regjistrimi dhe pagesa e parë e vlefshme, fondi mbulon 50% të shpenzimeve të aprovuara sipas rregullores.

Pas 12 muajve të vazhdueshëm të anëtarësimit dhe pagesave të rregullta, mbulimi kalon në 100% të shpenzimeve të aprovuara, brenda kufijve të fondit.

Fondi mbulon shpenzimet e aprovuara dhe të dokumentuara që lidhen drejtpërdrejt me përgatitjen dhe transportimin e të ndjerit nga Norvegjia për në vendlindje.

Kjo mund të përfshijë: • shërbimet e nevojshme funerale • përgatitjen e të ndjerit • arkivolin dhe pajisjet e nevojshme për transport • dokumentacionin e nevojshëm • transportin dhe transportin ajror sipas rastit

Mbulimi bëhet sipas kushteve dhe kufijve të përcaktuar nga fondi.

Fondi nuk mbulon shpenzime private që nuk lidhen drejtpërdrejt me përgatitjen dhe transportimin e të ndjerit.

Këtu mund të përfshihen: • biletat e udhëtimit të familjarëve • hotel dhe akomodim • ushqim • shpenzime private • gurë përkujtimorë • shërbime shtesë të porositura privatisht pa aprovim

Pagesa vjetore duhet të kryhet brenda afatit të përcaktuar.

Afati i zakonshëm vjetor është 15 Mars. Nëse pagesa nuk kryhet, vazhdimësia e anëtarësimit në fond mund të ndërpritet.

Rikthimi në fond trajtohet si regjistrim i ri dhe periudha për mbulim fillon përsëri sipas rregullores.

Çdo anëtar i familjes regjistrohet individualisht në Fondin e Xhenazes.

Prindi ose kujdestari mund të regjistrojë fëmijët nën moshën 18 vjeç.

Pagesa për një person nuk krijon automatikisht mbulim për anëtarët e tjerë të familjes.

Në profilin familjar duhet të jetë e qartë se cilët persona kanë pagesë aktive dhe cilët jo.

Mysafirët që vijnë nga vendlindja ose nga vende të tjera mund të regjistrohen sipas kushteve të veçanta të fondit.

Pagesa është 2 000 kr për person.

Regjistrimi është i vlefshëm për 12 muaj nga data e pagesës.

Për këtë kategori aplikohet një periudhë pritjeje prej 30 ditësh para aktivizimit të mbulimit.

Në rast të një vdekjeje të paparashikuar si pasojë e një aksidenti gjatë kësaj periudhe, rasti mund të trajtohet sipas rregullores dhe dokumentacionit përkatës.

Në rast vdekjeje, familja ose personi përgjegjës duhet të kontaktojë BKFSHN.

BKFSHN kontrollon: • anëtarësimin në BKFSHN • regjistrimin në Fondin e Xhenazes • statusin e pagesës • periudhën e anëtarësimit • nivelin e mbulimit

Pas verifikimit, BKFSHN koordinon procedurën sipas rregullores së fondit.

Kur është e mundur, shpenzimet paguhen drejtpërdrejt te ofruesi i shërbimit dhe jo si pagesë direkte familjes.